2023 жылдың 24 ақпан күні қазақтың ұлы ақыны, педагог, қоғам қайраткері Мағжан Жұмабаевтың 130 жылдығына арналған "Мағжанның ұлы мұрасы – ұрпақтар бірлігінің негізі" атты ұстаз клубының ашық отырысы өтті.

Іс-шараның мақсаты: Мағжан Жұмабаевтың өмірі мен шығармашылығы,поэзия әлеміндегі алатын орны. Ақынның қуатты өлеңдері арқылы жастардың жүрегіне от беретін үнді әуен қалдыру. Іс-шара барысында студенттер ақынның өмірбаянын еске алып, шығармашылығын талқылады. Мағжан Жұмабаев поэзия әлеміндегі жарық жұлдыз, қайталанбас құбылыс екендігі, оның қуатты, бойға жігер, жүрекке от беретін рухты үні, ізденістері мен жаңашылдығы қазақ әдебиетін ХХ ғасырдың басында - ақ Еуропа, орыс әдебиетінің биік деңгейіне көтергендігі туралы тұжырымды ойлар айтылды. Студенттер өздеріне ұсынылған барлық тапсырмаларды белсенді орындады және олардың әрқайсысына үлкен қызығушылықпен және жауапкершілікпен қарай білді. Отырыс соңында рефлексия өткізіліп, Мағжан атамыздың өлеңдерін мәнерлеп оқып, өздерінің білімдерін шыңдай түсі.