Терроризмге қарсы оқу-жаттығулар

2021 ж. 24 мамыр күні М. Жұмабаев атындағы Жоғары колледж жатақханасында антитеррористік оқу-жаттығуы келесі форматта өткізілді: жатақхана телефонына ғимаратқа бомба қойылғаны туралы ақпарат келіп түсті. Әңгімеден кейін кезекші вахтер нұсқаулыққа сәйкес колледж әкімшілігіне және жатақхана меңгерушісіне дабыл қоңырауы туралы хабарлады. Колледж директоры студенттерді эвакуациялау туралы шешім қабылдады. Жатақхананың барлық қабаттарында тәрбиеші және кезекші студенттерімен әр қабатта “Баршаның назарына, Ғимараттан шығыңыз!” командалары берілді! Студенттер өз бөлмелерін ұйымдасқан түрде тастап, жатақханадан қауіпсіз қашықтыққа шықты. Барлық кірулер мен шығулар ашық болды, оларға жатақхана қызметкерлері бақылау жүргізді. АӘД оқытушы-ұйымдастырушысы О.К. Нурпеисов жатақхана студенттерімен және қызметкерлерімен террористік қауіп кезінде қауіпсіздік шараларын сақтау туралы әңгіме өткізді.