«Ұлт рухының жанашыры» атты әдеби кеші

Қазақстан Республикасының Тәуелсіздік күні қарсаңында, желтоқсан айының 13-і күні, М.Жұмабаев атындағы жоғары колледж студенттері С.Мұқанов атындағы облыстық ғылыми әмбебап кітапханасында көрнекті ғалым, этнограф, жазушы, публицист, өнер зерттеушісі Ақселеу Сейдімбековтың туғанына 80 жыл толуына орай ұйымдастырылған «Ұлт рухының жанашыры» атты әдеби кешке қатысты. Кеш барысында студенттер Ақселеу Сейдімбековтың өмірі, шығармашылығы жайлы көзі көрген қарттардың аузынан естіп, әндерін тыңдап, ерекше әсер алып қайтты. ​Әдеби кештің қадірлі қонақтары Ақселеу Сейдімбековтың келіні, немерелері студенттердің сұрақтарына жауап беріп, көпшілік қауымға алғысын білдірді.